Sunan Al Bayhaqi: Hadith 8592

(٨٥٧٩) ابو سعید خدری (رض) بیان کرتے ہیں کہ رسول اللہ (صلی اللہ علیہ وآلہ وسلم) جس مہینے کے وسط عشرے میں اعتکاف کرنا چاہتے تو جب بیس راتیں گزرجاتی اور اکیسویں آرہی ہوتی تو آپ (صلی اللہ علیہ وآلہ وسلم) اپنے گھر جاتے اور ہمسائیوں سے ملتے اور اس رات کا قصہ کرتے جس میں اعتکاف کرنا ہوتا ۔ پھر آپ (صلی اللہ علیہ وآلہ وسلم) خطبہ ارشاد فرماتے اور لوگوں سے جو کچھ کہنا ہوتا وہ کہتے ۔ پھر آپ (صلی اللہ علیہ وآلہ وسلم) فرماتے : میں اس عشرے کا اعتکاف کرنا چاہتا تھا۔ پھر مجھ پر وواضح ہوا کہ آئندہ عشرے میں اعتکاف کروں۔ سو جس نے میرے ساتھ اعتکاف کیا تھا وہ ثابت رہیں اور آپ (صلی اللہ علیہ وآلہ وسلم) نے فرمایا : مجھے یہ رات دکھائی گئی تھی ۔ پھر میں بھلادیا گیا ۔ سو تم اسے آخری عشرے میں تلاش کرو طاق راتوں میں اور مجھے دکھایا گیا کہ میں پانی ومٹی میں سجدہ کررہاہوں۔
ابو سعید خدری (رض) بیان کرتے ہیں کہ جب آپ (صلی اللہ علیہ وآلہ وسلم) اکیس کی صبح کو نماز کے بعد پھرے تو آپ کی پیشانی اور ناک پر مٹی تھی۔