Sunan Al Bayhaqi: Hadith 9040

(٩٠٣٧) ابن عباس (رض) فرماتے ہیں کہ مشرکین بیت اللہ کا طواف کرتے ہوئے کہتے : لَبَّیْکَ لَبَّیْکَ لاَ شَرِیکَ لَکَ تو نبی (صلی اللہ علیہ وآلہ وسلم) فرماتے : بس بس، تو وہ کہتے : إِلاَّ شَرِیکَ ہُوَ لَکَ تَمْلِکُہُ وَمَا مَلَکَ ۔ ” ہم حاضر ہیں حاضر ہیں، تیرا کوئی شریک نہیں سوائے اس شریک کے جو تیرا ہی ہے اس کا اور اس کی مملوکہ ہر چیز کا تو ہی مالک ہے۔ “ اور وہ کہتے : اے اللہ ! ہم تیری مغفرت چاہتے ہیں، مغفرت چاہتے ہیں، تو اللہ نے یہ آیت نازل فرمائی : { وَمَا کَانَ اللَّہُ لِیُعَذِّبَہُمْ } [الانفال : ٣٣]” جب آپ ان میں موجود ہوں تو اللہ ان کو عذاب دینے والا نہیں اور نہ ہی اس وقت جب کہ وہ استغفار کر رہے ہوں۔ “ (ابن عباس (رض) فرماتے ہیں ان میں دو امانتیں تھیں اللہ کے نبی اور استغفار تو اللہ کے نبی چلے گئے اور استغفار باقی رہ گئی اور یہ آیت { وَمَا لَہُمْ أَلاَّ یُعَذِّبَہُمُ۔۔۔} [الانفال : ٣٤] اور کیا وجہ ہے کہ اللہ ان کو عذاب نہ دے حالاں کہ مسجد حرام سے روکتے ہیں جب کہ وہ اس کے والی نہیں، اس کے والی تو صرف متقی ہی ہیں ، اس میں جو عذاب کا ذکر ہے یہ اخروی عذاب ہے اور پہلی آیت میں جو عذاب کا ذکر ہے وہ دنیوی عذاب ہے۔