Sunan Al Bayhaqi: Hadith 9224

(٩٢١٩) عمر (رض) حجر اسود کی طرف آئے ، اس کو بوسہ دیا اور فرمایا : میں جانتا ہوں کہ تو ایک پتھر ہے ، نہ نفع دے سکتا ہے نہ نقصان۔ اگر میں رسول اللہ (صلی اللہ علیہ وآلہ وسلم) کو تجھے بوسہ دیتے نہ دیکھتا تو میں تجھے بوسہ نہ دیتا۔
(ب) مسند ابو یعلیٰ کی روایت میں یہ الفاظ ہیں کہ میں نے سیدنا عمر (رض) کو دیکھا وہ حجر اسود کی طرف متوجہ ہوئے، پھر کہا : اللہ کی قسم ! میں جانتا ہوں کہ تو ایک پتھر ہے ، اگر میں نے رسول اللہ (صلی اللہ علیہ وآلہ وسلم) کو تجھے بوسہ دیتے ہوئے نہ دیکھا ہوتا تو میں تجھے بوسہ نہ دیتا۔ پھر آگے بڑھے اور اس کو بوسہ دیا۔