Sunan Al Bayhaqi: Hadith 9253

(٩٢٤٨) جب ہشام نے عورتوں کو مردوں کے ساتھ طواف کرنے سے روکا تو عطاء نے کہا : تو ان کو کیسے منع کرتا ہے جب کہ رسول اللہ (صلی اللہ علیہ وآلہ وسلم) کی بیویوں نے طواف کیا ہے، میں نے کہا : کیا حجاب سے پہلے یا بعد میں ؟ کہنے لگے : میری عمر کی قسم میں نے ان کو حجاب کے بعد ہی پایا ہے، میں نے کہا : وہ مردوں کے ساتھ کیسے خلط ملط ہوجاتی تھیں، کہنے لگے کہ وہ خلط ملط نہیں ہوتی تھیں، سیدہ عائشہ (رض) مردوں سے دور رہ کر طواف کرتیں، ان میں نہ گھس جاتیں ایک عورت نے کہا : اے ام المومنین ! آئیں ہم استلام کریں تو انھوں نے کہا : تو ہی چلی جا تو اس نے انکار کیا تو وہ رات کے وقت اجنبی بن کر نکلیں اور مردوں کے ساتھ طواف کیا، لیکن جب وہ بیت اللہ میں داخل ہوتیں تو کھڑی ہوجاتیں حتیٰ کہ وہ عورتیں داخل ہوجائیں اور مردوں کو نکال دیا جاتا اور میں اور سیدہ عائشہ (رض) کے پاس جاتے اور وہ ثبیر میں بیٹھی ہوتیں، میں نے کہا اور اس کا حجاب کیا ہوا ؟ انھوں نے کہا : وہ ترکی قبہ میں تھیں اور اس کا پردہ تھا ہمارے اور ان کے درمیان اس کے علاوہ اور کچھ نہیں تھا اور میں نے ان پر گلابی چادر دیکھی۔