(١٠٠٠٥) حضرت عطاء فرماتے ہیں کہ عثمان بن عبیداللہ بن حمید کے بیٹے نے ایک کبوتری قتل کردی۔ وہ ابن عباس (رض) کے پاس آئے، ان سے بات کی تو ابن عباس (رض) فرمانے لگے : ایک بکری ذبح کرو جو صدقہ کی جائے۔ ابن جریج کہتے ہیں کہ میں نے عطاء سے کہا : کیا مکہ کے کبوتروں سے تھا۔ فرمانے لگے، ہاں۔
(ب) عطاء ابن عباس (رض) سے نقل فرماتے ہیں کہ ” خضری “ (ایسا پرندہ جس کا رنگ سبزی مائل ہوتا ہے، اس کو اخیل بھی کہتے ہیں) بسی، (کبوتروں کی ایک قسم جس کا رنگ خاکی ہوتا ہے) اور قمری (فاختہ کی شکل کا ایک خوش آوازپرندہ) اور قطاۃ یعنی کبوتری اور چکور کے عوض ایک ایک بکری ہے۔