(١٠٠٤) سعید بن عبد الرحمن بن ابتری اپنے والد سے نقل فرماتے ہیں کہ ایک شخص سیدنا عمر بن خطاب (رض) کے پاس آیا اور کہا : میں جنبی ہو جاؤں اور پانی نے ملے تو کیا کروں ؟ سیدنا عمار بن یاسر (رض) نے سیدنا عمر بن خطاب (رض) سے کہا : کیا آپ کو یاد نہیں ہے کہ ہم ایک سفر میں تھے ۔ میں اور آپ جنبی ہوگئے آپ نے نماز ادا نہیں کی اور میں مٹی میں لوٹ پوٹ ہوگیا، پھر میں نے نماز پڑھی۔ میں نبی (صلی اللہ علیہ وآلہ وسلم) کے پاس آیا تو یہ بات میں نے نبی (صلی اللہ علیہ وآلہ وسلم) کو بتلائی تو نبی (صلی اللہ علیہ وآلہ وسلم) نے فرمایا : تجھے اس طرح کرنا کافی تھا، پھر نبی (صلی اللہ علیہ وآلہ وسلم) نے اپنی ہتھیلیوں کو زمین پر مارا، اس میں پھونک ماری پھر اپنے چہرے اور ہتھیلیوں کا مسح کیا۔