(١٠٢٣٥ ) حضرت جابر (رض) نبی (صلی اللہ علیہ وآلہ وسلم) کے حج کے بارے میں بیان فرماتے ہیں کہ آپ (صلی اللہ علیہ وآلہ وسلم) قربان گاہ کی طرف گئے، آپ (صلی اللہ علیہ وآلہ وسلم) نے ٦٣ اونٹ نحر کیے اور باقی حضرت علی (رض) کو عطا کیے وہ حضرت علی (رض) نے نحر کیے۔ آپ (صلی اللہ علیہ وآلہ وسلم) نے ان کو اپنی ہدی میں شریک کیا، پھر آپ (صلی اللہ علیہ وآلہ وسلم) نے ہر قربانی سے گوشت کا ٹکڑا لانے کا حکم دیا، اسے ایک ہنڈیا میں ڈال کر پکایا گیا، آپ (صلی اللہ علیہ وآلہ وسلم) نے گوشت کھایا اور شوربہ پیا۔ پھر گھر چلے گئے۔