(١٠٢٣٩ ) عبداللہ بن فرط فرماتے ہیں کہ رسول اللہ (صلی اللہ علیہ وآلہ وسلم) نے فرمایا : اللہ کے نزدیک تمام دنوں سے افضل دن قربانی کا ہے، پھر اس کے بعد آنے والا یعنی دوسرا دن۔ راوی کہتے ہیں کہ نبی (صلی اللہ علیہ وآلہ وسلم) کے سامنے چھ یا پانچ قربانیاں لائی گئیں۔ وہ قربانیاں آپ کے قریب ہونا شروع ہوئیں کہ ان میں سے کس سے آپ ابتدا کرتے ہیں، جب وہ اپنے پہلوں کے بل گرپڑیں تو آپ (صلی اللہ علیہ وآلہ وسلم) نے آہستہ سے بات کی۔ میں اس کو سمجھ نہ پایا ، میں نے اپنے پاس بیٹھنے والے سے پوچھا کہ رسول اللہ (صلی اللہ علیہ وآلہ وسلم) نے کیا فرمایا ہے تو اس نے کہا : آپ (صلی اللہ علیہ وآلہ وسلم) نے فرمایا : جس کا دل چاہے کاٹ لے۔