(١٠٤١٤) اسماعیل بن عبید بن رفاعہ بن رافع زرقی اپنے والد سے نقل فرماتے ہیں کہ وہ رسول اللہ (صلی اللہ علیہ وآلہ وسلم) کے ساتھ مدینہ میں عیدگاہ کی طرف نکلے ، آپ (صلی اللہ علیہ وآلہ وسلم) نے دیکھا کہ لوگ ایک دوسرے سے خریدو فروخت کر رہے ہیں، آپ (صلی اللہ علیہ وآلہ وسلم) نے فرمایا : اے تاجروں کے گروہ ! اس کی بات مانو۔ انھوں نے نظریں رسول اللہ (صلی اللہ علیہ وآلہ وسلم) کی طرف اٹھائیں۔ آپ (صلی اللہ علیہ وآلہ وسلم) نے فرمایا : قیامت کے دن تاجر فاجر اٹھائے جائیں گے ، لیکن جس نے تقوی اختیار کیا، نیکی کی اور سچ بولا۔