(١٠٥٢٨) عمرو بن حریش کہتے ہیں کہ میں نے عبداللہ بن عمرو بن عاص سے کہا : ہم ایسے علاقے میں رہتے ہیں جہاں سونا چاندی نہیں ہوتا۔ کیا ہم ایک گائے دو کے عوض خرید لیں، ایک اونٹ دو اونٹوں کے عوض، ایک بکری دو بکریوں کے عوض خرید لیں۔ عبداللہ بن عمرو بن عاص (رض) نے فرمایا کہ رسول اللہ (صلی اللہ علیہ وآلہ وسلم) نے مجھے لشکر تیار کرنے کا حکم دیا۔ اونٹ ختم ہوگئے۔ میں نے کہا : اے اللہ کے رسول ! اونٹ ختم ہوگئے۔ آپ (صلی اللہ علیہ وآلہ وسلم) نے فرمایا : صدقہ کے اونٹ لے لو۔ کہتے ہیں : میں ایک اونٹ دو کے عوض لے رہا تھا، صدقہ کے اونٹوں سے۔