(١٠٩٩٠) (الف) عبدالکریم جزری فرماتے ہیں : میرے ماموں کی بیوی فوت ہوگئی اور اپنے پیچھے ایک خادم اور چھوٹے چھوٹے بچے چھوڑگئی تو سعید بن جبیر (رض) نے کہا : اس میں کوئی حرج نہیں کہ باپ اپنے بیٹے کی اولاد کی سرپرستی کرے اور ان کے لیے آسانی کا راستہ اختیار کرے۔
(ب) شیخ ابو ولید کہتے ہیں : ہمارے اصحاب نے کہا : وہ ان کی سرپرستی کرے گا اور خود خریدے گا جو ان کے لیے ہوگا۔
(ج) امام محمد (رح) فرماتے ہیں : جب آدمی اس کی اولاد کی لونڈی کو اپنے کنٹرول میں لینے کا ارادہ کرے ۔۔۔ باقی اسی طرح ذکر کیا ۔
(د) ابو سفیان بن علاء فرماتے ہیں کہ میں نے حسن اور طاؤس سے پوچھا تو انھوں نے کہا : اس میں کوئی حرج نہیں ۔
(ھ) موسیٰ بن سعید (رض) سے روایت ہے کہ ان کی دادی ابو برزہ (رض) کے پاس فوت ہوگئی تو ابو برزہ نے اس کی بعض لونڈیوں کو بیچنے کا فتویٰ دیا ۔