(١١١٠٧) امام شافعی (رح) سے روایت ہے کہ لوگوں میں سے کسی نے اس مسئلہ میں ان سے بحث کی تو آپ نے اس سے کہا : ہم صورتوں میں بیع سلم ناپسند کرتے ہیں، کیونکہ حضرت عبداللہ بن مسعود (رض) نے ناپسند کیا ہے۔ امام شافعی نے کہا کہ یہ روایت ان سے منقطع ہے، امام شعبی (رح) نے دعویٰ کیا ہے کہ یہ مسئلہ اس سے بڑا ہے جس نے ان سے کراہت بیان کی ہے کہ انھوں نے سانڈ میں بیع سلف کی اور یہ ہمارے ہاں مکروہ ہے اور ہر ایک کے ہاں بیع محاقلہ اور مضابنہ یا دونوں ہیں۔ [صحیح ]
شیخ فرماتے ہیں کہ ابراہیم نخعی (رح) کی روایت جو ابن مسعود سے کراہت کے متعلق ہے وہ منقطع ہے اسی طرح سعید بن جبیر کی روایت جو ابن مسعود سے ہے، وہ بھی پچھلی روایت کی طرح منقطع ہے، چونکہ سعید بن جبیر کی سیدنا ابن مسعود (رض) نے ملاقات ثابت نہیں ہے۔
روایت ہے کہ عثمان بن عفان (رض) چچازاد کی وادی میں آئے ، انھوں نے کسی آدمی کے اونٹ کے ساتھ کچھ معاملہ کیا۔ اس کا دودھ کاٹ دیا اور اس کے بچوں کو قتل کردیا تو وہ آدمی حضرت عثمان (رض) کے پاس آیا اور حضرت عثمان (رض) کے پاس ابن مسعود (رض) بھی موجود تھے۔ وہ شخص ابن مسعود (رض) کے فیصلے سے خوش ہوگیا، انھوں نے فیصلہ کیا کہ اس آدمی کو اس اونٹ کی طرح اونٹ اور ان دودھ پیتے بچوں کی طرح دودھ پیتے بچے دیے جائیں۔ حضرت عثمان نے اس فیصلے کو نافذ کیا۔ ابن مسعود سے روایت ہے کہ وہ حیوان کے بدلے میں اس جیسا حیوان (بطورسزا) فیصلہ کرتے تھے جیسا کہ انھوں نے پچھلی روایت میں فیصلہ کیا ہے ۔
سیدنا ابن عباس (رض) سے روایت ہے کہ انھوں نے حیوانوں میں بیع سلم کو جائز قرار دیا ہے۔ سیدنا ابن عمر (رض) سے روایت ہے کہ وہ چھوٹے بچوں کی بیع سلم کو سود کی اقسام میں شمار کرتے تھے۔ سیدنا عمر بن خطاب (رض) سے اسی طرح روایت ہے، لیکن وہ منقطع ہے۔