(١١١٤٣) حضرت ابوہریرہ (رض) فرماتے ہیں : ایک آدمی اللہ کے رسول (صلی اللہ علیہ وآلہ وسلم) کے پاس آیا اور کہنے لگا : اے اللہ کے رسول ! ریٹ مقرر کردیں، آپ (صلی اللہ علیہ وآلہ وسلم) نے فرمایا : اللہ تعالیٰ سے دعا کرو ، پھر ایک اور آدمی آیا اور کہنے لگا : ریٹ مقرر کردیں۔ آپ (صلی اللہ علیہ وآلہ وسلم) نے فرمایا : اللہ ہی نرخ بڑھاتا اور کم کرتا ہے۔ میں تمنا اور امید کرتا ہوں کہ میں اللہ تعالیٰ کو اس حالت میں ملوں کہ میں نے کسی پر ظلم نہ کیا ہو ۔