(١١٢٨٩) حضرت قتادہ (رض) اپنے والد سے نقل فرماتے ہیں کہ وہ ایک آدمی سے قرض واپس لینے کا مطالبہ کرتے تھے۔ پھر ایسا ہوا کہ وہ چھپ گیا۔ جب وہ دوبارہ ملاتو اس سے کہا : تو نے ایسا کیوں کیا ؟ اس نے کہا : تنگدستی کی وجہ سے تو انھوں نے اس سے قسم لی۔ تو اس نے قسم اٹھالی۔ انھوں نے اپنا اقرار نامہ منگوایا اور اسے دے دیا اور کہا : میں نے رسول اللہ (صلی اللہ علیہ وآلہ وسلم) کو فرماتے ہوئے سنا : جو شخص کسی تنگ دست سے نرمی کرے یا قرض معاف کرے تو اللہ تعالیٰ قیامت کی سختیوں سے اسے نجات دے گا۔