(١١٢٩٣) عبدالعزیز بن رفیع فرماتے ہیں کہ میں نے ایک آدمی کو سامان بیچا، جب میں نے وہ سامان بیچ لیا تو مجھے پتہ چلا کہ وہ تو کنگال ہے تو میں اسے قاضی شریح کے پاس لایا اور کہا : آپ میرے لیے اس سے کفیل لیں تو شریح کہنے لگے : آپ کا مال وہیں رہے گا جہاں آپ نے بیچا ہے۔ چنانچہ انھوں نے کفیل لینے سے انکار کردیا۔ پھر میں نے کہا : میں اب شرط لگاتا ہوں کہ اگر میرے دل نے چاہا تو میں اس مال کا زیادہ حق دار ہوں گا تو شریح کہنے لگے : تو نے بیع کا اقرار کیا ہے لیکن اپنی شرط پر کوئی دلیل تو لا۔