(١١٣٦٣) حضرت یعقوب بن زید فرماتے ہیں کہ حضرت عمر (رض) جمعہ کے دن نکلے تو عباس کے پرنالے کا پانی ان پر گرا۔ آپ نے اسے اکھاڑ دینے کا حکم دیا۔ حضرت عباس نے فرمایا : آپ نے میرے پر نالے کو اکھاڑ دیا۔ اللہ کی قسم رسول اللہ (صلی اللہ علیہ وآلہ وسلم) نے اس جگہ پہ اپنے ہاتھ سے نصب کیا تھا۔ حضرت عمر نے کہا : اللہ کی قسم اسے آپ اپنے ہاتھ سے رکھیں گے اور عمر کی پشت اس کے لیے حاضر ہوگی تو حضرت عباس نے اپنے پاؤں حضرت عمر کے کندھوں پر رکھے اور دوبارہ پر نالہ اسی جگہ پر نصب کردیا۔