(١١٤٠٦) عیسیٰ بن صدقہ فرماتے ہیں : میں اور میرے والد اور محلے کے امام انس بن مالک (رض) کے پاس گئے اور کہا کہ ہمیں حدیث بیان کریں جو آپ نے رسول اللہ (صلی اللہ علیہ وآلہ وسلم) سے سنی ہو، اللہ اسے ہمارے لیے نفع کا باعث بنائے۔ انس نے فرمایا : ایک آدمی فوت ہوگیا رسول اللہ (صلی اللہ علیہ وآلہ وسلم) کے پاس ایک آدمی آیا، اس نے خبر دی۔ ہم نے کہا : کیا رسول اللہ (صلی اللہ علیہ وآلہ وسلم) اس کی نماز جنازہ پڑھائیں گے ؟ آپ نے فرمایا : کیا اس پر کوئی قرض ہے ؟ ہم نے کہا : ہاں۔ آپ نے فرمایا : تم میں اس کی کوئی ضمانت دے گا تاکہ میں نماز جنازہ پڑھاؤں۔ انھوں نے نہ میں جواب دیا۔ آپ نے فرمایا : پس نہیں نفع دے گا تم کو کہ میں کسی آدمی کی نماز جنازہ پڑھاؤں جسے اس کی قبر میں رہن کے طور پر رکھا جارہاہو یہاں تک کہ اللہ اسے قیامت کے دن اٹھائے اور اس سے حساب کتاب کیا جائے۔