(١١٥٣٣) ہشام بن عروہ اپنے والد سے نقل فرماتے ہیں کہ ارویٰ بنت اوس نے سعید بن زید پر دعویٰ دائر کیا کہ سعید نے اس کی زمین پر قبضہ کیا ہے۔ وہ عورت مروان کے پاس جھگڑا لے کر آئی۔ سعید نے کہا : میں کیسے اس کی زمین پر قبضہ کرسکتا ہوں جبکہ میں نے رسول اللہ (صلی اللہ علیہ وآلہ وسلم) سے سنا ہے۔ مروان نے کہا : تو نے رسول اللہ (صلی اللہ علیہ وآلہ وسلم) سے کیا سنا ہے ؟ فرمایا : میں نے سنا ہے کہ جس نے ایک بالشت ظلم کے ساتھ لے لی اسے سات زمینوں کا طوق پہنایا جائے گا۔ مروان نے کہا : اب میں تجھ سے کسی اور دلیل کا سوال نہیں کرتا، پھر کہا : اے اللہ ! اگر یہ جھوٹی ہے تو اس کی نظر ختم کر دے اور اسے اس کی زمین میں قتل کر دے۔ راوی کہتے ہیں کہ وہ نہ فوت ہوئی حتیٰ کہ اس کی نظر چلی گی اور وہ اپنی زمین میں چل رہی تھی کہ اچانک ایکگڑھی میں گر کر مرگئی۔