(١١٥٣٧) ابو طفیل عامر بن واثلہ فرماتے ہیں : میں علی بن ابی طالب (رض) کے پاس تھا، آپ کے پاس ایک آدمی آیا۔ اس نے کہا : نبی (صلی اللہ علیہ وآلہ وسلم) نے آپ کی طرف کیا چیز چھپائی ہے ؟ راوی فرماتے ہیں : علی غصے میں آگئے اور فرمایا : نبی (صلی اللہ علیہ وآلہ وسلم) نے مجھے کوئی ایسی پوشیدہ بات نہیں بتائی جسے لوگوں سے چھپایا ہو ان چار کلمات کے علاوہ۔ اس نے کہا : یا امیرالمومنین ! وہ کیا ہیں ؟ آپ نے فرمایا کہ رسول اللہ (صلی اللہ علیہ وآلہ وسلم) نے فرمایا : اللہ تعالیٰ اس پر لعنت کرے جس نے اپنے ماں باپ پر لعنت بھیجی، اللہ اس پر لعنت کرے جس نے غیر اللہ کے لیے ذبح کیا، اللہ اس پر لعنت کرے جو کسی بدعتی کو پناہ دے، اللہ اس پر لعنت کرے جو زمین کے نشانات تبدیل کرے۔