(١١٥٥٢) حضرت سلمہ بن اکوع (رض) سے روایت ہے کہ جب خیبر فتح ہوا تو شام کے وقت صحابہ نے آگ جلانا شروع کی۔ رسول اللہ (صلی اللہ علیہ وآلہ وسلم) نے فرمایا : تم یہ آگ کیوں جلا رہے ہو ؟ انھوں نے جواب دیا : گدھے کا گوشت پکانے کے لیے۔ رسول اللہ (صلی اللہ علیہ وآلہ وسلم) نے فرمایا : اس کو پھینک دو اور برتن توڑ دو ۔ قوم میں سے ایک آدمی کھڑا ہوا۔ اس نے کہا : ہم گوشت پھینک دیتے ہیں اور برتن دھو کر رکھ لیں ؟ آپ (صلی اللہ علیہ وآلہ وسلم) نے فرمایا : ایسا ہی کرلو۔