(١١٦٩٢) حضرت ابوہریرہ سے روایت ہے کہ رسول اللہ (صلی اللہ علیہ وآلہ وسلم) نے فرمایا : داؤد (علیہ السلام) پر زبور کی تلاوت آسان کردی گئی تھی۔ چنانچہ وہ اپنی سواری پر زین کسنے کا حکم دیتے تھے اور زین کسی جانے سے پہلے ہی پوری زبور پڑھ لیتے تھے اور آپ صرف اپنے ہاتھوں کی کمائی ہی کھاتے تھے۔
حضرت عائشہ فرماتی ہے کہ رسول اللہ (صلی اللہ علیہ وآلہ وسلم) کے صحابہ کام کرنے والے لوگ تھے۔ ایک روایت میں ہے کہ وہ اپنے مریضوں کا علاج خود کرتے تھے۔ خباب بن ارت (رض) فرماتے ہیں : میں لو ہارکا کام کرتا تھا۔ انس بن مالک نبی (صلی اللہ علیہ وآلہ وسلم) کے بیٹے ابراہیم کے قصہ میں فرماتے ہیں کہ آپ (صلی اللہ علیہ وآلہ وسلم) نے ابراہیم کو مدینہ کی ایک لو ہارہ عورت ام سیف کی طرف بھیجا، سھل بن سعد منبر والے قصہ میں فرماتے ہیں کہ رسول اللہ (صلی اللہ علیہ وآلہ وسلم) نے ایک عورت کو پیغام بھیجا کہ وہ اپنے غلام کو حکم دے کہ وہ میرے بیٹے کے لیے منبر بنائے۔ حضرت سہل سی منقول ہے کہ ایک عورت نبی (صلی اللہ علیہ وآلہ وسلم) کے لیے چادر لے کر آئی اور فرمانے لگی : یا رسول اللہ (صلی اللہ علیہ وآلہ وسلم) ! میں نے اپنے ہاتھسیتیار کی ہے تاکہ آپ کو پہناؤ ں۔ حضرت ابو مسعود (رض) فرماتے ہیں : انصاریوں کا ایک آدمی تھا جس کا نام ابو شعیب تھا، اس کا غلام گوشت کرنے والا تھا۔ ایک روایت میں قصاب کے لفظ ہیں : اس نے کہا : کھانا تیار کرو تاکہ میں رسول اللہ (صلی اللہ علیہ وآلہ وسلم) کو بلاؤں۔ حضرت ابن عباس (رض) سے حرمت مکہ کے قصہ میں منقول ہے کہ عباس (رض) نے کہا : یا رسول اللہ (صلی اللہ علیہ وآلہ وسلم) اذخر (بوٹی) کو چھوڑ دیں، داغنے کے لیے اور اپنی چھتوں کے لیے۔ آپ (صلی اللہ علیہ وآلہ وسلم) نے فرمایا : اذخر کو چھوڑ دیا جائے۔ حضرت ابن عباس (رض) سی منقول ہے کہ رسول اللہ (صلی اللہ علیہ وآلہ وسلم) نے سینگی لگوائی اور حجام کو اس کی اجرت دی۔ اگر یہ آپ کے نزدیک خبیث چیز ہوتی تو نہ دیتے اور یہ سارے اثر کمائی کے جواز پر دلالت کرتے ہیں۔