(١١٧٠٩) نافع فرماتے ہیں کہ ابن عمر (رض) رسول اللہ (صلی اللہ علیہ وآلہ وسلم) ، ابوبکر ، عمر ، عثمان اور معاویہ (رض) کی امارت کے شروع میں اپنی زمین کرایہ پر دیتے تھے۔ ان کے پاس ایک آدمی آیا اور اس نے کہا کہ رافع کا خیال ہے کہ نبی (صلی اللہ علیہ وآلہ وسلم) نے کرایہ پر زمین دینے سے منع فرمایا ہے۔ نافع کہتے ہیں : میں اور ابن عمر رافع کی طرف گئے۔ ابن عمر (رض) نے کہا : آپ کی طرف سے ایک بات پہنچی ہے، آپ نبی (صلی اللہ علیہ وآلہ وسلم) سے زمین کرایہ پر دینے کے بارے میں بیان کرتے ہو تو رافع نے کہا : ہاں رسول اللہ (صلی اللہ علیہ وآلہ وسلم) نے اس سے منع فرمایا ہے۔ اس کے بعد ابن عمر (رض) سے اس بارے میں جب سوال کیا جاتا تو کہتے : رافع کا خیال ہے کہ نبی (صلی اللہ علیہ وآلہ وسلم) نے اس سے منع فرمایا ہے۔ نافع کہتے ہیں : رافع کے بعد ابن عمر نے (رض) کہا : مجھے یاد ہے کہ ہم رسول اللہ (صلی اللہ علیہ وآلہ وسلم) کے زمانہ میں اپنی کھیتوں کو نالیوں اور تھوڑی گھاس کے بدلے میں دیا کرتے تھے۔