(٧٠ ١١٧) (الف) حسان بن ابراہیم فرماتے ہیں : میں نے ہشام بن عروہ سے بیری کو کاٹنے کے بارے میں سوال کیا اور وہ عروہ کے مکان سے ٹیک لگا کر بیٹھے تھے۔ انھوں نے کہا : ان دروازوں اور چوکھٹوں کو دیکھتے ہو۔ وہ عروہ کی بیری کے ہیں۔ عروہ نے اپنی زمین سے کاٹا تھا اور کہا تھا : اس میں کوئی حرج نہیں ہے اور کہا : اے عراقی ! یہ بدعت تو لے کر آیا ہے، حسان کہتے ہیں : میں نے کہا کہ بدعت تو تمہاری طرف سے ہے، میں نے اہل مکہ سے سنا کہ رسول اللہ (صلی اللہ علیہ وآلہ وسلم) نے بیری کاٹنے والے پر لعنت کی ہے۔ ابو داؤد کہتے ہیں : جس نے بیری ایسی جگہ سے کاٹی جہاں سے مسافر اور جانور سایہ لیتے ہوں، اس نے ظلم کیا اور وہ اس کا ذمہ دار ہوگا۔
(ب) امام احمد (رح) فرماتے ہیں : ابو ثورنے امام شافعی (رح) سے بیری کاٹنے کے بارے میں سوال کیا تو انھوں نے فرمایا : اس میں کوئی حرج نہیں ہے۔ نبی (صلی اللہ علیہ وآلہ وسلم) سے روایت کیا گیا ہے کہ اس کو پانی کے ساتھ اور بیری کے ساتھغسل دو ۔
(ج) میں نے کہا : وہ حدیث جس میں کاٹنے کا حکم ہے وہ امام ابو داؤد کی تو جیح پر محمول ہوگی۔
(د) عروہ بن زبیر اپنی زمین سے اس کو کاٹ دیتے تھے۔ اسماعیل بن یحییٰ مزنی سے اس بارے میں سوال کیا گیا تو انھوں نے کہا : رسول اللہ (صلی اللہ علیہ وآلہ وسلم) سے اس درخت کے بارے میں سوال کیا گیا تھا جس پر کسی نے پابندی لگائی ہو یا کسی یتیم کا ہو یا اللہ کی حرام کردہ اشیاء کے لیے کاٹا جائے۔ پس اس پر ہی محمول ہوگا سننے والے نے جواب سن لیا اور سوال نہ سنا اور وہ اس حدیث کی طرح ہے جو اسامہ بن زید سے منقول ہے کہ آپ نے فرمایا : ادھار میں سود ہے۔ اس راوی نے بھی سوال نہ سنا اور جواب سن لیا اور آپ نے فرمایا : سونے کو سونے کے بدلے نہ بیچو مگر برابر برابر۔
(ر) اور امام شافعی (رح) نے دلیل پکڑی ہے کہ نبی (صلی اللہ علیہ وآلہ وسلم) نے میت کو بیری سے غسل دینے کی اجازت دی ہے۔ اگر حرام تھی تو اس سے فائدہ اٹھانا جائز نہ ہوتا۔ فرمایا : بیری کے پتے گویا کہ شاخیں ہیں اور رسول اللہ (صلی اللہ علیہ وآلہ وسلم) نے حرم کے درختوں کو کاٹنے کی حرمت کو برابر رکھاچا ہے صرف پتے ہوں یا کوئی اور چیز۔ جب میں نے کسی کو پتوں سے روکتے نہیں دیکھا تو یہ بیری کے کاٹنے پر جواز فراہم کرتا ہے۔