(١١٨٢٨) ابیض بن حمال وفد کی شکل میں نبی (صلی اللہ علیہ وآلہ وسلم) کے پاس گئے اور آپ سے نمک کی کان مانگی۔ ابن المتوکل نے کہا : وہ جو بڑی فائدہ مند ہے آپ نے اسے دے دی۔ جب وہ لے کر واپس ہوئے تو مجلس میں سے ایک آدمی نے کہا : آپ جانتے ہیں کہ آپ نے اسے کیا دیا ہے ؟ آپ نے اسے جاری پانی دے دیا ہے تو رسول اللہ (صلی اللہ علیہ وآلہ وسلم) نے واپس لے لیا۔ راوی فرماتے ہیں : میں نے چراگاہ مانگ لی تو آپ (صلی اللہ علیہ وآلہ وسلم) نے کہا : جب کھر نہ پہنچیں۔ ابن المتوکل نے کہا : اونٹوں کے کھر۔