(١١٩٠٥) حضرت ابن عمر (رض) سے روایت ہے کہ حضرت عمر (رض) نے کہا : اے اللہ کے رسول (صلی اللہ علیہ وآلہ وسلم) ! مجھے ایسا مال ملا ہے جس جیسی کبھی کوئی چیز نہیں ملی، خیبر میں ایک سو حصوں کا مالک ہوں اور میرا ارادہ ہے کہ اس سے اللہ کا قرب حاصل کروں، آپ (صلی اللہ علیہ وآلہ وسلم) نے فرمایا : اصل کو روک لے اور پھل اللہ کے راستے میں وقف کر دے۔
ابویحیی فرماتے ہیں : حسن اور حسین میں سے ایک نے اپنے گھر کے حصے وقف کیے ۔ علماء نے اس کی اجازت دی ہے اور ابن عمر (رض) نے حفصہ کے ہبہ کیے ہوئے حصے وقف کیے۔