(١١٩٨) سیدنا انس (رض) فرماتے ہیں کہ رسول اللہ (صلی اللہ علیہ وآلہ وسلم) ام سلیم (رض) کے گھر آتے تھے اور ان کے بستر پر سوتے تھے اور وہ نہیں۔۔۔ پھر فرمایا : ایک دن انھیں بلاکر کہا گیا : یہ رسول اللہ (صلی اللہ علیہ وآلہ وسلم) آپ کے بستر پر ہیں۔ وہ آپ (صلی اللہ علیہ وآلہ وسلم) کے پاس پہنچی اور آپ کو بہت زیادہ پسینہ آیا ہوا تھا اور یہ گرمی کے موسم میں تھا۔ انھوں نے چھوٹی شیشی لی تو وہ پسینے سے لینا شروع ہوئیں اور اس کو شیشی میں بھر رہی تھی۔ رسول اللہ (صلی اللہ علیہ وآلہ وسلم) بیدار ہوئے، آپ (صلی اللہ علیہ وآلہ وسلم) نے فرمایا : ” آپ اس کا کیا کرو گی ؟ “ انھوں نے کہا : اے اللہ کے رسول ! آپ کی برکت ہے اس کو ہم اپنی خوشبو میں رکھیں گی۔ رسول اللہ (صلی اللہ علیہ وآلہ وسلم) نے فرمایا : ” تو نے درست کیا۔ “