(١٢١٥٧) حضرت انس (رض) سے روایت ہے کہ یہود کا ایک بچہ نبی (صلی اللہ علیہ وآلہ وسلم) کی خدمت کرتا تھا، وہ بیمار ہوگیا تو نبی (صلی اللہ علیہ وآلہ وسلم) اس کی عیادت کے لیے گئے، رسول اللہ (صلی اللہ علیہ وآلہ وسلم) اس کے سر کے پاس بیٹھ گئے، بچے نے اپنے باپ کی طرف دیکھا تو اس نے کہا : ابوالقاسم کی اطاعت کرو، وہ مسلمان ہوگیا، رسول اللہ (صلی اللہ علیہ وآلہ وسلم) جب نکلے تو فرما رہے تھے : تمام تعریفیں اس اللہ کے لیے ہیں جس نے میری وجہ سے اس کو آگ سے بچا لیا۔