(١٢٢٦٨) ابن منکدر نے حضرت جابر سے سنا وہ کہتے تھے کہ میں بیمار ہوا تو نبی (صلی اللہ علیہ وآلہ وسلم) نے میری عیادت کی۔ ابوبکر بھی ساتھ تھے۔ وہ پیدل چلتے ہوئے آئے اور میں بےہوش تھا، میں نے آپ (صلی اللہ علیہ وآلہ وسلم) سے کوئی بات نہ کی۔ آپ (صلی اللہ علیہ وآلہ وسلم) نے وضو کیا اور مجھ پر وضو کے چھینٹے ڈالے۔ مجھے افاقہ ہوا تو میں نے کہا : اے اللہ کے رسول (صلی اللہ علیہ وآلہ وسلم) ! میں اپنے مال کا کیا کروں ؟ اور میری بہنیں بھی ہیں، آپ (صلی اللہ علیہ وآلہ وسلم) نے کہا : آیت المیراث نازل ہوئی ہے : { یَسْتَفْتُونَکَ قُلِ اللَّہُ یُفْتِیکُمْ فِی الْکَلاَلَۃِ } یعنی جس کی اولاد نہ ہو اور بہنیں ہوں۔ جابر (رض) نے کہا : میرا وارث کلالہ بنا ہے تو انھوں نے نام لیا کون کلالہ وارث ہے۔
شیخ فرماتے ہیں : آیت المیراث جابر بن عبداللہ (رض) کے بارے میں نازل ہوئی، نہ ان کی کوئی اولاد تھی اور نہ والدین تھے، کیونکہ ان کے والد احد کے دن شہید ہوگئے تھے۔