(١٢٤٣٤) حضرت معاویہ بن ابی سفیان (رض) نے زید بن ثابت (رض) کو خط لکھا اور دادے کے بارے میں سوال کیا۔ زید بن ثابت نے جواب دیا کہ آپ نے مجھ سے دادے کے بارے میں سوال کیا ہے، اللہ بہتر جانتے ہیں اور اس مسئلہ میں خلفاء فیصلہ کرتے تھے، میں آپ سے پہلے دو خلفاء کے پاس گیا ہوں، وہ دونوں دادے کو ایک بھائی کے ساتھ نصف دیتے تھے اور دو بھائیوں کے ساتھ ثلث دیتے تھے، اگر بھائی زیادہ ہوتے تو ثلث سے کم نہ کرتے تھے۔
سلمان بن یسار فرماتے ہیں : عمر بن خطاب، عثمان بن عفان اور زید بن ثابت (رض) دادے کو بھائیوں کے ساتھ ثلث دیتے تھے۔