(١٢٧٨٦) انس بن مالک (رض) سے روایت ہے کہ اسلام میں پہلا سلب جس سے خمس لیا گیا تھا وہ براء بن مالک کا سلب تھا، وہ مرزبان پر حملہ آور ہوئے تھے، اسے زخمی کیا۔ پھر اسے قتل کردیا اور اس کے ساتھی اس سے علیحدہ ہوگئے، براء اس کی طرف گئے، اس کی کمر پٹی اور کنگن پکڑ لیے۔ جب وہ آئے تو عمر بن خطاب (رض) ابو طلحہ (رض) کے پاس چل کر آئے اور کہا : اے ابو طلحہ ! ہم خمس نہیں لیتے سلب سے اور براء کا سلب تو مال ہے اور میں اس سے خمس نکالنے والا ہوں، پس انھوں نے کمر پیٹی اور کنگن کی تیس ہزار قیمت لگائی۔