(١٢٨٦٩) مجمع بن جاریہ انصاری قرآن کے قاریوں میں سے تھے۔ وہ کہتے ہیں : ہم حدیبیہ میں رسول اللہ (صلی اللہ علیہ وآلہ وسلم) کے ساتھ حاضر ہوئے۔ جب ہم اس سے واپس ہوئے تو اچانک لوگ اونٹ دوڑانے لگے۔ بعض نے پوچھا : لوگوں کو کیا ہوا ؟ فرمایا : اللہ تعالیٰ نے رسول اللہ (صلی اللہ علیہ وآلہ وسلم) پر وحی کی ہے۔ پس ہم نکلے اور بھاگنے لگے : ہم نے نبی (صلی اللہ علیہ وآلہ وسلم) کو کراع الغیم کے پاس کھڑے ہوئے پایا۔ لوگ آپ (صلی اللہ علیہ وآلہ وسلم) کے پاس جمع تھے، آپ (صلی اللہ علیہ وآلہ وسلم) نے ان پر پڑھا : بیشک ہم نے آپ کو واضح فتح عطا فرمائی، ایک آدمی نے کہا : اے اللہ کے رسول ! کیا وہ فتح ہے، آپ (صلی اللہ علیہ وآلہ وسلم) نے کہا : ہاں اللہ کی قسم ! وہ فتح ہے۔ پس خیبر اہل حدیبیہ پر تقسیم کردیا گیا ہے، ان کے ساتھ اہل حدیبیہ کے ساتھ کسی اور کو شامل نہیں کیا گیا، نبی (صلی اللہ علیہ وآلہ وسلم) نے اس کو اٹھارہ حصوں پر تقسیم کردیا اور لشکر پندرہ سو کی تعداد میں تھا، تین سو گھڑ سوار۔ پس گھوڑے والے کو دو حصے اور پیدل کو ایک حصہ دیا۔
شیخ فرماتے ہیں : خیبر کی تقسیم اور اہل حدیبیہ والی روایات متعارض ہیں اور اکثر روایات کے مطابق اہل حدیبیہ چودہ سو تھے۔