(١٢٩٥) مقاتل بن حیان کہتے ہیں کہ میں شہر بن حوشب کے پاس آیا، انھوں نے وضو کیا اور موزوں پر مسح کیا۔ میں نے ان سے کہا : آپ موزوں پر مسح کرتے ہو ؟ انھوں نے کہا : میرے پاس جریر بن عبداللہ (رض) آئے۔ انھوں نے وضو کیا اور موزوں پر مسح کیا۔ میں نے ان سے کہا : آپ موزوں پر مسح کرتے ہو ؟ انھوں نے کہا : ہاں میں نے رسول اللہ (صلی اللہ علیہ وآلہ وسلم) کو موزوں پر مسح کرتے ہوئے دیکھا ہے۔ میں نے کہا : سورة مائدہ کے نازل ہونے کے بعد ؟ انھوں نے کہا : میں سورة مائدہ کے نازل ہونے کے بعد مسلمان ہوا ہوں۔
ابو یعمد کہتے ہیں کہ ابراہیم بن ادھم کہتے ہیں : موزوں پر مسح کرنے کے متعلق اس حدیث سے اچھی میں نے کوئی نہیں سنی۔