(١٢٩٥٩) حسن بن محمد بن حنیفہ فرماتے ہیں : ان دو حصوں میں رسول اللہ (صلی اللہ علیہ وآلہ وسلم) کی وفات کے بعد لوگوں میں اختلاف ہوگیا۔ بعض نے کہا : رشتہ داروں والا حصہ رسول اللہ (صلی اللہ علیہ وآلہ وسلم) کے رشتہ داروں کا ہے اور بعض نے کہا : خلیفہ کے رشتہ داروں کا ہے۔ اور بعض نے کہا آپ (صلی اللہ علیہ وآلہ وسلم) کے بعد آپ کا حصہ خلیفہ کا ہے۔ ان کی رائے اس پر جمع ہوئی کہ دونوں حصوں کو اللہ کے راستے میں صرف کردیں، دونوں خلافت ابوبکر اور عمر (رض) میں اسی پر صرف ہوتے تھے۔