(١٣٠١) سیدنا اسامہ (رض) سے روایت ہے کہ رسول اللہ (صلی اللہ علیہ وآلہ وسلم) باغ میں داخل ہوئے، آپ قضائے حاجت کے لیے تشریف لے گئے۔ اسامہ کہتے ہیں کہ میں نے بلال (رض) سے سوال کیا : آپ نے کیا کیا ؟ سیدنا بلال (رض) نے کہا : نبی (صلی اللہ علیہ وآلہ وسلم) حاجت کے لیے گئے پھر وضو کیا اپنا چہرہ اور ہاتھ دھوئے اور اپنے سر کا مسح کیا اور موزوں پر مسح کیا۔
(ب) شیخ (رح) فرماتے ہیں کہ اسواف میں اک دیوار تھی۔ (ج) امام شافعی (رح) فرماتے ہیں کہ سیدنا بلال کی حدیث اس بات پر دلالت کرتی ہے کہ رسول اللہ (صلی اللہ علیہ وآلہ وسلم) نے حضر میں بھی مسح کیا؛ کیونکہ سیدنا بلال (رض) نے اسے حضر پر محمول کیا ہے۔ (د) شیخ فرماتے ہیں کہ سیدنا علی (رض) وغیرہ کی حدیث جو مدت کے متعلق ہے وہ حضر میں مسح کے جواز پر دلیل ہے۔