(١٣٠٠٨) حضرت عائشہ (رض) سے روایت ہے کہ حضرت ابوبکر (رض) نے وفات کے وقت کہا : میرے مال میں خلافت کے دوران ہر چیز کی زیادتی دیکھو، پس میرے بعد خلیفہ تک لوٹا دینا۔ عائشہ (رض) کہتی ہیں : جب وہ فوت ہوگئے، ہم نے دیکھا ان کے مال میں صرف ایک اونٹنی زائد پائی۔ جس سے باغ کو پانی دیتے تھے اور غلام جو بچوں کو اٹھاتا تھا۔ عائشہ (رض) فرماتی ہیں : میں نے عمر (رض) کی طرف بھیجا۔ کہتی ہیں : مجھے خبر دی گئی ہے کہ وہ رونے لگ پڑے اور کہا : اللہ ابوبکر پر رحم کریں اس نے اپنے بعد بڑی سختی کی۔