(١٣٠٩٠) سعید بن مسیب سے روایت ہے کہ سعد بن ابی وقاص (رض) رسول اللہ (صلی اللہ علیہ وآلہ وسلم) کے پاس آئے، کہا : اے اللہ کے رسول (صلی اللہ علیہ وآلہ وسلم) ! میں کون ہوں ؟ آپ نے فرمایا : سعد بن مالک بن وہب بن عبد مناف بن زہرہ، جس نے اس کے علاوہ کہا : اس پر اللہ کی لعنت ہو۔ رہے تیم تو وہ کلاب کے بھائی ہیں اور مخزوم کا کوئی بھائی نہیں ہے اور وہ مخزوم بن یقظہ بن مرہ ہیں مگر قبیلہ مخزوم مشہور ہوگیا۔ پس وہ اسی سے منسوب ہوگیا اور بنی تیم بنو مخزوم پر مقدم ہے اس لیے کہ وہ حلف الفضول اور مطیبین میں تھے۔