(١٣٢١٣) انس بن مالک (رض) فرماتے ہیں کہ ایک شخص آپ (صلی اللہ علیہ وآلہ وسلم) کے پاس آیا اور فاقہ کی شکایت کی، پھر وہ لووٹ گیا۔ اس نے کہا : اے اللہ کے نبی (صلی اللہ علیہ وآلہ وسلم) ! میں اپنے گھر سے آرہا ہوں، مجھے امید نہیں ہے کہ میں گھر واپس جاؤں اور کوئی بندہ مرا نہ ہو۔ راوی کہتا ہے کہ آپ (صلی اللہ علیہ وآلہ وسلم) نے اس کو کہا کہ چلو یہاں تک کہ تو کوئی چیز لے آ جو تو پائے۔ راوی کہتا ہے کہ وہ چلے حتیٰ کہ ایک چادر ایک پیالہ آیا، اس نے کہا : اے اللہ کے نبی (صلی اللہ علیہ وآلہ وسلم) ! اس چادر کو بعض بچھاتے اور بعض پہنتے تھے اور یہ پیالہ اس میں سے وہ پیتے تھے تو نبی (صلی اللہ علیہ وآلہ وسلم) نے فرمایا : مجھ سے کون ایک درہم میں یہ خریدے گا ؟ ایک آدمی نے کہا : اے اللہ کے نبی ! میں اس کو خریدوں گا، پھر نبی (صلی اللہ علیہ وآلہ وسلم) نے فرمایا : ایک درہم سے زیادہ کی کون خرید لے گا ؟ تو اس نے کہا : میں اس کو دو درہم میں خریدوں گا تو آپ (صلی اللہ علیہ وآلہ وسلم) نے فرمایا : یہ تیری ہیں، آپ (علیہ السلام) نے اس آدمی کو بلایا اور فرمایا : ایک درہم کا کلہاڑا خرید اور ایک درہم کا اپنے گھر والوں کے لیے کھانا خرید راوی کہتا ہے کہ اس آدمی نے ایسا کیا، پھر وہ نبی (صلی اللہ علیہ وآلہ وسلم) کے پاس آیا تو آپ نے فرمایا : اس وادی میں چلے جاؤ اور اس میں سے لکڑیاں وغیرہ کاٹو اور محنت کرو اور میرے پاس پندرہ دنوں کے بعد آنا، پھر وہ چلا گیا، اس نے ١٠ درہم پائے تو آپ (صلی اللہ علیہ وآلہ وسلم) نے اس کو کہا کہ ٥ درہم کا اپنے اہل کے لیے کھانا اور پانچ کا کپڑا وغیرہ خریدو۔ اس نے کہا : اے اللہ کے نبی (صلی اللہ علیہ وآلہ وسلم) ! اللہ تعالیٰ آپ کو برکت دے جو آپ نے مجھے حکم دیا تو آپ (صلی اللہ علیہ وآلہ وسلم) نے فرمایا : یہ تیرے لیے بہتر ہے اس سے کہ تو قیامت والے دن آئے اور تیرے چہرے پر سوال کرنے کی وجہ سے نشانات ہوں۔ بیشک سوال کرنا صرف تین آدمیوں کے لیے جائز ہے : ہلاکت والے خون، بڑی چٹی اور بےانتہا فقر والے سے۔