(١٣٢٤٢) ابو رافع فرماتے ہیں کہ نبی (صلی اللہ علیہ وآلہ وسلم) نے بنو مخزوم میں سے ایک شخص کو صدقہ لینے کے لیے بھیجا تو اس نے ابو رافع سے کہا : میرا ساتھی بن جا، جو حصہ مجھے ملے گا، تجھے بھی ملے گا، ابو رافع نے کہا : نہیں۔ یہاں تک کہ میں آپ (صلی اللہ علیہ وآلہ وسلم) سے پوچھ لوں تو وہ نبی (صلی اللہ علیہ وآلہ وسلم) کے پاس آئے اور سوال کیا تو آپ (صلی اللہ علیہ وآلہ وسلم) نے فرمایا : صدقہ ہمارے لیے حلال نہیں ہے جو قوم کے غلام ہوتے ہیں وہ اسی قوم میں سے ہوتے ہیں۔