(١٣٢٨٠) حضرت جابر (رض) سے روایت ہے کہ نبی (صلی اللہ علیہ وآلہ وسلم) نے فرمایا : کعب بن اشرف کو کون قتل کرے گا ؟ اس نے اللہ اور اس کے رسول کو تکلیف دی ہے، محمد بن مسلمہ نے فرمایا : اے اللہ کے رسول ! یہ بات آپ کو پسند ہے کہ میں اس کو قتل کروں ؟ آپ نے فرمایا : ہاں۔ پھر صحابی نے کہا کہ آپ (صلی اللہ علیہ وآلہ وسلم) مجھے اجازت دیں، آپ نے فرمایا : میں نے تجھے اجازت دی، پھر اس نے کعب بن اشرف کے قتل کا قصہ بیان کیا کہ جب میں نے اس کو قتل کرلیا تو نبی (صلی اللہ علیہ وآلہ وسلم) کے پاس آیا اور آپ کو خبر دی تو نبی (صلی اللہ علیہ وآلہ وسلم) نے فرمایا : لڑائی دھوکا ہے۔