(١٣٣٣٧) ابوذر فرماتے ہیں کہ نبی (صلی اللہ علیہ وآلہ وسلم) نے پڑھا : { ہَلْ أَتَی عَلَی الإِنْسَانِ حِینٌ مِنَ الدَّہْرِ لَمْ یَکُنْ شَیْئًا مَذْکُورًا } یہاں تک کہ سورت ختم کردی، پھر آپ (صلی اللہ علیہ وآلہ وسلم) نے فرمایا : میں وہ چیز دیکھتا ہوں جو تم نہیں دیکھتے اور وہ سنتا ہوں جو تم نہیں سنتے، آسمان چرچراتا اور اس کا حق ہے کہ وہ چرچرائے اور آسمان میں ایک انگلی کے برابر بھی جو جگہ ہے وہاں فرشتہ اپنی جبین کو سجدے میں رکھے ہوئے ہے، اللہ کی قسم ! اگر تم جان لو جو میں جانتا ہوں تو تم کم ہنسو گے اور زیادہ رؤ و گے اور جو تم بستروں پر عورتوں سے لذت حاصل کرتے ہو تو تم جنگلوں کی طرف نکل جاؤ گے اور اللہ سے پناہ مانگو گے۔ راوی فرماتے ہیں : کاش ! میں درخت ہوتا اور کاٹ دیا جاتا۔ یہ ابوذر (رض) کے الفاظ ہیں۔