(١٣٣٤٠) ایک جماعت زید بن ثابت (رض) کے پاس آئی، انھوں نے کہا : ہمیں نبی (صلی اللہ علیہ وآلہ وسلم) کے اخلاق کے بارے میں کوئی حدیث سنائیں تو زید بن ثابت (رض) نے فرمایا : میں آپ (صلی اللہ علیہ وآلہ وسلم) کا پڑوسی تھا، جب وحی نازل ہوتی تو آپ (صلی اللہ علیہ وآلہ وسلم) میری طرف پیغام بھیجتے تو میں وحی کو لکھ دیا کرتا اور ہم جب دنیا کا ذکر کرتے تو آپ (صلی اللہ علیہ وآلہ وسلم) بھی ہمارے ساتھ ذکر کرتے اور جب ہم آخرت کو یاد کرتے تو آپ (صلی اللہ علیہ وآلہ وسلم) بھی کرتے اور جب ہم کھانے کا ذکر کرتے تو آپ (صلی اللہ علیہ وآلہ وسلم) بھی کرتے تھے۔ ہم یہ تمام چیزیں تمہیں آپ سے بیان کرتے ہیں۔