(١٣٣٦٩) مالک بن اوس سے روایت ہے کہ حضرت عمر (رض) نے میری طرف ایک آدمی بھیجا، میں آپ (رض) کے پاس آیا اور آپ ایک ڈھیرپر بیٹھے ہوئے تھے۔ انھوں نے کہا : اے مالک ! تیری قوم کے لوگ میرے پاس دوڑے ہوتے آئے ہے، آپ یہ مال لے جائیے اور ان میں تقسیم کردیں، میں نے کہا، امیرالمومنین ! میرے علاوہ کسی دوسرے کو امیر بنادیں، انھوں نے کہا : اے شخص ! تو لے لے، میں بیٹھ گیا تو ان کا غلام یرفاء آیا اور کہا : عبدالرحمن، طلحہ، زبیر اور سعد (رض) آئے ہیں، کیا انھیں اجازت ہے ؟ حضرت عمر (رض) نے کہا : ان سے کہو کہ اندر آجائیں، وہ اندر آئے۔ پھر یرفاء آیا اور کہا : حضرت علی (رض) اور عباس (رض) بھی ہیں، کیا انھیں بھی اجازت ہے ؟ کہا : انھیں کہو، اندر آجائیں، وہ دونوں اندر آئے اور ان میں سے ہر ایک اپنے ساتھی کے متعلق بات کررہا تھا، جب وہ بیٹھ گئے تو انھوں نے کہا : امیرالمومنین ! ان کے درمیان فیصلہ کیجیے اور ان پر ترس کریں، حضرت عمر (رض) نے کہا : میں تم دونوں کو اللہ کی قسم دیتا ہوں، جس کے حکم کے ساتھ آسمانوں و زمین قائم ہیں، کیا تمہیں معلوم ہے کہ رسول اللہ (صلی اللہ علیہ وآلہ وسلم) نے فرمایا : ہم جو صدقہ چھوڑ جائیں اس کا وارث نہیں بناتے تو انھوں نے کہا : جی ہاں، پھر دوسرے لوگوں سے پوچھا : انھوں نے بھی ہاں میں جواب دیا، پھر حضرت عمر (رض) نے کہا : بنو نضیر کے اموال جو اللہ تعالیٰ نے اپنے رسول کو دیے ان میں مسلمانوں نے گھوڑے اور سواریاں نہیں روکیں اور وہ حصہ خالص رسول اللہ (صلی اللہ علیہ وآلہ وسلم) کے لیے تھا جسے آپ اپنے اہل و عیال پر ایک سال کے خرچ کے طور پر خرچ کرتے تھے اور جو اس سے باقی بچ جاتا اسے گھوڑوں اور اسلحہ وغیرہ پر لگا دیتے جو جہاد فی سبیل اللہ کی تیاری تھی، پھر وہ حصہ نبی (صلی اللہ علیہ وآلہ وسلم) کے لیے خاص تھا۔