(١٣٣٨٧) عبداللہ بن ابو نمر کہتے ہیں کہ میں نے انس بن مالک (رض) کو فرماتے ہوئے سنا وہ ہم کو معراج کی رات والی حدیث نبی (صلی اللہ علیہ وآلہ وسلم) سے نقل فرما رہے تھے کہ تین بندے وحی کے نازل ہونے سے پہلے آئے اور آپ (صلی اللہ علیہ وآلہ وسلم) مسجد حرام میں سوئے ہوئے تھے۔ ایک نے کہا : کیا یہ وہی ہے ؟ درمیانے نے کہا : یہ بہترین بندہ ہے۔
آخری نے کہا : اس بہترین کو پکڑ لو، یہ اس رات تھا۔ اس کے بعد میں نے ان کو نہیں دیکھا یہاں تک کہ وہ دوسری رات پھر آئے آپ (صلی اللہ علیہ وآلہ وسلم) کی آنکھیں سوتی تھیں اور دل جاگتا تھا، اسی طرح تمام انبیاء کی آنکھیں سوتی اور دل جاگتا ہے۔