(١٣٣٩٨) عائشہ (رض) فرماتی ہیں کہ فاطمہ (رض) نے ابوبکر کی طرف پیغام بھیجا، وہ نبی (صلی اللہ علیہ وآلہ وسلم) کی وراثت کا سوال کرتی تھی۔ جو مال غنیمت اللہ نے آپ (صلی اللہ علیہ وآلہ وسلم) کو دیا اور باغ فدک کے بارے میں اور باقی جو خیبر کا خمس تھا تو ابوبکر (رض) نے فرمایا : نبی (صلی اللہ علیہ وآلہ وسلم) نے فرمایا : ہم وراثت نہیں چھوڑتے، جو ہم چھوڑتے ہیں، وہ صدقہ ہوتا ہے اور آل محمد (صلی اللہ علیہ وآلہ وسلم) اس مال سے کھاتے ہیں۔ اللہ کی قسم ! میں نبی (صلی اللہ علیہ وآلہ وسلم) کے صدقے کو تبدیل نہیں کروں گا، جو آپ (صلی اللہ علیہ وآلہ وسلم) کے زمانے میں تھا اور میں اس پر ضرور عمل کروں گا جس پر آپ (صلی اللہ علیہ وآلہ وسلم) نے فرمایا۔