(١٣٤٠٥) حضرت عروہ بن زبیر (رض) سے روایت ہے کہ ہندہ بنت عتبہ بن ربیعہ (رض) آپ (صلی اللہ علیہ وآلہ وسلم) کے پاس آئیں اور کہا : اے اللہ کے رسول ! روئے زمین پر کوئی گھرانہ ایسا نہ تھا، جس کے متعلق اس درجہ میں ذلت کی خواہش مند ہوں۔ جتنا آپ کے گھرانہ کی ذلت و رسوائی کی میں خواہش مند تھی لیکن اب میرا یہ حال ہے کہ میں سب سے زیادہ خواہش مند ہوں کہ روئے زمین کے تمام گھرانوں میں آپ کا گھرانہ عزت و سر بلندی والا ہے، پھر انھوں نے کیا : ابوسفیان بخیل آدمی ہیں تو کیا میرے لیے کوئی حرج تو نہیں کہ اگر میں ان کے مال میں سے (ان کی اجازت کے بغیر) اپنے اہل و عیال کو کھلاؤں۔ رسول اللہ (صلی اللہ علیہ وآلہ وسلم) نے ان سے فرمایا : تمہارے لیے کوئی حرج نہیں اگر تم انھیں دستور کے مطابق کھلاؤ۔