(١٣٤٢٨) مقاتل بن سلیمان سے روایت ہے کہ اللہ تعالیٰ نے فرمایا کہ اے نبی کی بیویوں کی جماعت ! تم وحی کو دیکھتی ہو اور لوگوں کی نسبت تقوی کی زیادہ حق دار ہو اور اس سے پہلے فرمایا : { یَا نِسَائَ النَّبِیِّ مَنْ یَأْتِ مِنْکُنَّ بِفَاحِشَۃٍ مُبَیِّنَۃٍ } [الاحزاب ] معقل فرماتے ہیں : فاحشہ سے مراد نبی (صلی اللہ علیہ وآلہ وسلم) کی نافرمانی ہے۔ آگے آیت ذکر کر کے فرمایا : دگنے عذاب سے مراد آخرت میں ہے اور ” یہ اللہ پر بہت آسان ہے “ یعنی اسے عذاب دینا اللہ پر اللہ پر آسان ہے اور جو اللہ اور اس کے رسول کی اطاعت کرے اور نیک اعمال کرے تو ہم اسے دو مرتبہ اجر دیں گے یعنی آخرت میں ہر نماز، روزے، صدقہ، تکبیر و تسبیح غرض ہر نیکی کا اجر بیس نیکیوں کے برابر دیں گے اور ہم نے ان کے لیے عمدہ رزق تیار کر رکھا ہے یعنی اچھا رزق جنت میں۔