(١٣٤٧١) جابر بن عبداللہ (رض) فرماتے ہیں کہ عبداللہ فوت ہوگئے اور اس نے سات یا نو بیٹیاں چھوڑیں۔ جابر (رض) فرماتے ہیں میں نے شادی شدہ عورت سے شادی کرلی۔ مجھے نبی (صلی اللہ علیہ وآلہ وسلم) نے پوجھا : اے جابر ! تو نے شادی کرلی ہے ؟ میں نے کہا : جی ہاں فرمایا : کنواری یا شادی شدہ ؟ میں نے کہا : شادی شدہ سے۔ آپ (صلی اللہ علیہ وآلہ وسلم) نے فرمایا : کنواری لڑکی سے شادی کیوں نہیں کی تو اس سے کھیلتا وہ تجھ سے کھیلتی تو اس کے ساتھ ہنستا وہ تیرے ساتھ ہنستی تو میں نے کہا : عبداللہ (رض) فوت ہوگیا اور اس نے سات یا نو بیٹیاں چھوڑیں تھیں تو میں نے اس کو ناپسند کیا کہ ان جیسی میں لے آؤں۔ میں نے یہ پسند کیا کہ میں ایسی عورت لے آؤں جو ان کی پرورش اچھی کرے تو آپ (صلی اللہ علیہ وآلہ وسلم) نے فرمایا : اللہ تعالیٰ تجھے برکت دے یا فرمایا : بھلائی دے۔