(١٣٥١٣) ابو سعید خدری (رض) فرماتے ہیں کہ نبی (صلی اللہ علیہ وآلہ وسلم) نے فرمایا : راستوں پر بیٹھنے سے بچو تو انھوں نے کہا : اے اللہ کے رسول (صلی اللہ علیہ وآلہ وسلم) ! ہمارے لیے اور کوئی چارہ کار نہیں ہے، ہم بیٹھ کر باتیں کرتے ہیں تو نبی (صلی اللہ علیہ وآلہ وسلم) نے فرمایا : اگر تم انکار کرتے ہو تو پھر راستے کا حق دو ۔ صحابہ کرام (رض) نے پوچھا : کیا حق ہے ؟ آپ (صلی اللہ علیہ وآلہ وسلم) نے فرمایا : نگاہ نیچی رکھنا، تکلیف دہ چیز کو ہٹانا، اور سلام کا جواب دینا، نیکی کا حکم دینا اور برائی سے منع کرنا۔