(١٣٥٢٧) سیدہ عائشہ (رض) فرماتی ہیں کہ ابوبکر صدیق (رض) تشریف لائے اور میرے پاس بچیاں منیٰ والے دن گانا گا رہی تھیں اور دف بھی بجا رہی تھیں اور نبی (صلی اللہ علیہ وآلہ وسلم) کپڑے میں لپیٹے بیٹھے تھے۔ ابوبکر (رض) نے ان کو منع کیا تو آپ (صلی اللہ علیہ وآلہ وسلم) نے اپنے چہرے سے کپڑا ہٹایا اور فرمایا : اے ابوبکر ! ان کو چھوڑ دو : کیونکہ یہ خوشی کے دن ہیں اور منیٰ کے دن کی بات ہے کہ نبی (صلی اللہ علیہ وآلہ وسلم) مدینہ میں تھے۔ عائشہ (رض) فرماتی ہیں کہ میں نے دیکھا نبی (صلی اللہ علیہ وآلہ وسلم) مجھے اپنے کپڑے میں چھپاتے تھے اور میں حبشی لوگوں کی طرف دیکھتی جو مسجد میں کھیل رہے ہوتے تھے اور میں اس وقت بچی تھی۔