(١٣٥٣٦) انس (رض) سے روایت ہے کہ نبی (صلی اللہ علیہ وآلہ وسلم) ام ایمن کو ملنے کے لیے گئے اور میں بھی ساتھ تھا تو اس نے کوئی پینے کی چیز آپ کے قریب کی تو آپ (صلی اللہ علیہ وآلہ وسلم) نے اس کو لوٹا دیا تو انھوں نے رسول اللہ (صلی اللہ علیہ وآلہ وسلم) کو ڈانٹا۔ ابوبکر (رض) نے آپ کی وفات کے بعد عمر (رض) کو فرمایا کہ ہمارے ساتھ ام ایمن کی زیارت کے لیے چلیے جب ہم اس کے پاس گئے تو وہ رونے لگی تو ان دونوں نے کہا : تم کیوں روتی ہو ؟ اللہ تعالیٰ کے پاس جو ہے وہ اس کے رسول کے لیے بہتر ہے۔ انھوں نے کہا : میں اس لیے نہیں روتی کہ یہ بات نہیں جانتی لیکن میں اس وجہ سے روتی ہوں کہ اب آسمان سے وحی آنا بند ہوگئی۔ ان کے یہ کہنے کے بعد ابوبکر و عمر (رض) بھی رونے لگے۔